Limeterta

Diddú, Edda, Albert, Vala Matt, Ragga Gísla og Guðný DUNALime terta Limeterta möndlur límóna avókadó banani raw food kaka
Limeterta

Limeterta. Mikið er gaman að prófa nýjar uppskriftir. Þegar von er á gestum er upplagt að prófa nýtt kaffimeðlæti. Það er fljótlegt að útbúa þessa limetertu – kannski virkar hún framandi við fyrstu sýn en hún er vel þess virði að prófa. Það þarf ekki að bíða eftir að deigið lyfti sér, enginn bakstur, engin hætta á að hún falli. Ekkert vesen.

LIMEHRÁTERTURTERTURKAFFIMEÐLÆTI

Limeterta

Botn:
1 dl möndlur (látið liggja í bleyti í um 2 klst)
1 dl sólblómafræ
1 dl graskersfræ
1 dl kókosmjöl
12 döðlur (látið liggja í bleyti í um 2 klst)
1/2 tsk kanill
4 msk kókosolía

Setjið allt í matvinnsluvél og maukið. Látið í kringlótt form, þjappið vel og frystið

Fylling:
1 1/2 avokadó (þroskað)
1 1/2 banani
2/3 dl limesafi
2 msk agavesíróp
2 msk kókosolía

Maukið allt í matvinnsluvél og setjið yfir botninn. Frystið áfram. Takið tertuna úr frystinum um klst áður hún er borin á borðið. Skreytið með rifnum sítrónuberki og bráðnu súkkulaði

Limeterta Diddú Edda Albert Vala Matt Ragga Gísla Duna Guðný
Diddú, Edda, Albert, Vala Matt, Ragga Gísla og Guðný

.

LIMEHRÁTERTURTERTURKAFFIMEÐLÆTI

.

— LIMETERTA —

.

Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.