Spínatlasagna

Spínatlasagna

Spínatlasagna. Spínat er bæði ríkt af andoxunarefnum og næringarefnum. Auk þess er það fitulaust. Í hugum flestra tengist múskat bakstri, en það er líka gott í annan mat. Sjálfur er ég afar hrifinn af hvítlauk og nota gjarnan meira af honum en er í uppskriftum, þið metið sjálf hversu mikið af honum þið viljið hafa. Það er gott að setja hvítlauks- eða chiliolíu yfir þegar áður en formið er sett á borðið.

Spínatlasagna

1 bolli góð matarolía

1 stór laukur

4-5 hvítlauksgeirar

10 meðalstórar kartöflur

600 g frosið spínat

1 1/2 msk cummín

1 tsk múskat

1 tsk kóriander

salt og pipar

smá chili

Lasagnaplötur

Rifinn ostur

Sjóðið kartöflurnar en kælið þær ekki. Saxið laukinn og steikið í olíunni ásamt hvítlauk. Setjið frosið spínat saman við. Grófmerjið kartöflurnar og látið út í. Kryddið með múskati, cummíni, salti, pipar, chili og blandið vel saman. Spínatið á að þiðna og losna í sundur.

Setjið í eldfast form með lasagne plötum á milli. Dreifið rifnum osti yfir og bakið í um 40 mín á miðlungs hita (ca 150°)

PDF til útprentunar.

5 thoughts on “Spínatlasagna

Leave a Reply

Your email address will not be published. Required fields are marked *