Rækjufrauð

Rækjufrauð ferming fermingarveisla fiskur rækjuréttur laufey Birna
Rækjufrauð

Rækjufrauð

Fermingarveislur eru jafn fjölbreyttar og þær eru margar. Sumir eru uppteknir af því að hafa sem flestar tegundir og telja með því að veislan verði glæsilegri. Öllu ánægjulegra er að smakka fáar tegundir og góðar. Oft gengur fólki illa að áætla magn fyrir hvern gest, hver kannast t.d. ekki við að hafa séð á Facebókinni að afgangarnir hafi verið svo miklir að auðvelt væri að slá upp annarri veislu.  Í minni fjölskyldu hefur skapast sú hefð (ekki bara þegar eru fermingar) að sá sem heldur veisluna deilir út verkefnum og fær ættingja og vini til að baka eða útbúa einn rétt. Í fermingu Laufeyjar á dögunum var okkur falið að búa til rækjufrauð, sem borið var fram með hunangssósu sem annar gerði. Tók ekki eftir því fyrr en allt var búið að rjóminn átti að vera þeyttur, breytir sennilega ekki öllu.

Rækjufrauð

300 g rækjur

2 búnt steinselja

½ líter rjómi – þeyttur

3 dl mæjónes

Safi úr ½ sítrónu

1 tsk Provence  krydd (Herbes de Provence)

½ dl vatn (alls ekki meira)

5-6 matarlímsblöð

Matarlímsblöð leyst upp í vatni og sítrónusafa – kælt.

Rækjur og steinselja sett í matvinnsluvél, mæjónesi og kryddi bætt út í.

Rjóma bætt varlega út í,  svo matarlími. Setjið í aflöng bökunarform og kælið.

Þetta er fyrir ca . 10-12.

Sósa

1 dós sýrður rjómi
1 dl. léttþeyttur rjómi
150 g mæjónes
2 tsk hunang
safi úr 1 sítrónu
smá hvítvín (má sleppa)
Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.