Sólskinsterta – terta sumardagsins fyrsta

Sólskinskaka

Sólskinstertu hefur móðir mín bakað á sumardaginn fyrsta í yfir hálfa öld. Heima var þessi terta var aldrei bökuð á öðrum tíma. Hún er kannski ekki sú hollasta en það er gaman að halda í hefðir og bragðgóð er hún – því get ég lofað. Hafið í huga að þetta er frekar lítil uppskrift, oftast hef ég hana tvöfalda. Stundum minnka ég smjörmagnið og nota 2-3 msk af matarolíu, þannig verður hún mýkri. Gleðilegt sumar

Sólskinsterta MG_2882

Sólskinsterta

120 g smjör

1 dl sykur

2 egg

1 1/2 dl hveiti

1 tsk lyftiduft

1 tsk möndludropar

1/2 tsk salt.

Hrærið smjör, sykur og egg saman. Blandið þurrefnunum saman, hrærið vel saman og hellið deiginu í lítið smurt smelluform. Bakið við 180 gráður, í um 20 mín. Látið kökuna standa stutta stund áður en kreminu er hellt yfir. Berið restina af kreminu fram með kökunni.

Krem

2 dl rjómi

120 g sykur

2 msk síróp

1 tsk salt

30 g smjör

1 tsk vanilla (extract)

Sjóðið rjóman, sykurinn og sírópið saman, við vægan hita, þar til blandan fer að þykkna. Hrærið smjörinu, salti og vanillu saman við og látið kremið kólna lítið eitt áður en því er smurt á kökuna.

Sólskinsterta

Friðdóra, Kristín, Freysteinn, Magnúsína og Gunnar með Sólskinstertuna

Sólskinsterta Sólskinsterta

Sólskinsterta

One thought on “Sólskinsterta – terta sumardagsins fyrsta

  1. Góðan dag og gleðilegt sumar 🙂

    Gaman að sjá þessa gömlu uppskrift hér en heima hjá mér var þessi kaka líka bökuð, þó oftar en á sumardaginn fyrsta. Hún var ævinlega bökuð í hringformi (með gati í miðjunni) og karamellan var látin kólna næstum alveg áður en henni var smurt á hringinn. Svo var auðvitað þeyttur rjómi með og það er algjört lostæti.
    Takk fyrir að minna mig á þessa dásamlega fínlegu köku.

    Bkv. Helga

Leave a Reply

Your email address will not be published. Required fields are marked *