Grænmetisbuff

Grænmetisbuff

Grænmetisbuff. Suma morgna setjum við grænmeti í safapressu og drekkum safann okkur til mikillar ánægju. Oftar en ekki hef ég lent í vandræðum með hratið, mér er frekar illa við að henda því. En nú er komin lausn: blanda soðnum baunum saman við hratið ásamt steiktum lauk. Útbúa buff, velta upp úr grófu haframjöli og steikja. Buffin á myndinni eru fagurlega rauð vegna rauðrófu sem notuð.

Buffin má einnig hafa þynnri og nota í hamborgarabrauð staðinn fyrir hakkað kjöt.

Grænmetisbuff

2 bollar grænmetishrat (t.d. blómkál, spergilkál, rauðrófur, hvítlaukur, engifer, sætar kartöflur, gulrætur, rófur, paprika, sellerý….)

2 bollar soðnar smjörbaunir (má nota aðrar tegundir)

1/2 laukur

4 msk gróft haframjöl

1/2 b góð matarolía

1 msk karrý

salt og pipar

Saxið laukinn í helmingnum af olíunni, bætið út í karrýinu og léttsteikið. Setjið grænmetishratið, baunirnar, laukinn, helminginn af haframjölinu, salt og pipar í matvinnsluvél og maukið.

Útbúið bollur eða buff, veltið upp úr haframjöli og steikið í olíu lengi á hvorri hlið við lágan hita.

PDF til útprentunar

One thought on “Grænmetisbuff

Leave a Reply

Your email address will not be published. Required fields are marked *