Gerlaust brauð – Fjallagrasabrauð

Gerlaust brauð. Ef maður hefur ekki tíma (eða nennir ekki) að stússast í gerbakstri tekur skamma stund að baka brauð með lyftidufti. Í æsku minni var stundum fjallagrasasúpa á borðum, þó ég hafi talist mjög matheill líkaði mér aldrei ramma bragðið sem kom af fjallagrösunum við suðu – en auðvitað borðaði ég súpuna, annað var ekki í boði. Núna myl ég fjallagrös og nota bæði í múslí og í brauðbakstur. Fjallagrösin verða ekki römm við bakstur. Fjallagrös hafa lengi þótt hin besta næring enda auðug af steinefnum og trefjum. Þetta brauð er bæði mjólkur- og sykurlaust.

 Gerlaust brauð

300 g speltmjöl

200 g hveiti

1 dl sesamfræ

1 msk mulin fjallagrös

4 tsk vínsteinslyftiduft

2 tsk salt

2 bollar sojamjólk

1 msk olía

1 msk kaffi

Hrærið öllu saman í skál og setjið í stórt jólakökuform sem klætt hefur verið að innan með bökunarpappír og bakið við 160°C í um eina klukkustund.

Leave a Reply

Your email address will not be published. Required fields are marked *