Pastasalat

Pastasalat. Í þetta salat má nota hvaða pastategund sem er eða blanda þeim saman eins og ég gerði. Pastasalatið getur bæði verið meðlæti eða stakur réttur borinn fram með hvítlauksbrauði. Þeir sem eiga ferska mintu nota hana frekar en þurrkaða. 

Pastasalat

2-3 bollar pasta

6 tómatar

1/2 rauðlaukur

5 cm blaðlaukur (ca)

200 g mozzarellaostur – í pokum með vatni í

1 msk rauðvínsedik

1 dl góð olía

smá chili

svartar og grænar ólífur að vild

1 msk þurrkuð minta

grænmetiskraftur

salt og pipar

Sjóðið pastað samkvæmt leiðbeiningum á pakkningu. Skolið. Setjið í skál, bætið við gróft skornum tómötum, söxuðum rauðlauk, blaðlauk og mozzarellaosti. Og því næst rauðvínediki, chili, ólífum, mintu, grænmetiskrafti, salti og pipar. Látið salatið standa í einn klukkutíma eða tvo við stofuhita áður en það er borið fram.

Leave a Reply

Your email address will not be published. Required fields are marked *