Asískur kjúklingur með engifersósu

Asískur kjúklingur með engifersósu. Held ég sé í engifervímu þessar vikurnar, ég set engifer í morgunbústið, í kökur, já bara í allan mat….

Þó það segi að marineringin eigi að maukast í matvinnsluvél þá má vel saxa grænmetið og blanda því saman í skál áður en kjúklingurninn er settur saman við. Kjúklingurinn var borinn fram með góðu hrásalati og snittubrauði.

Asískur kjúklingur með engifersósu

6 kjúklingalæri

1/2 laukur

1 gulrót

ca 100 g sæt kartafla

safi úr 1 1/2 sítrónu

7 hvítlauksrif

3-4 cm engifer

1/2 ds kókosmjólk

2 msk fiskisósa

3 tsk soyasósa

1 msk edik

2/3 dl hunang

pipar.

Setjið lauk, gulrót, kartöflu, sítrónusafa, hvítlauk, engifer, kókosmjólk, fiskisósu, soyasósu, edik, hunang og pipar í matreiðsluvél og maukið. Úrbeinið kjúklingalærin og setjið í skál, blandið kókosmjólkursoppunni saman við og látið standa í amk 3 klst. Eldið í 175° heitum ofni í um 45 mín, eða þangað til kjúklingurinn er full eldaður.

Leave a Reply

Your email address will not be published. Required fields are marked *