Sítruskaka Diddúar

Sítruskaka Diddúar. Söngdrottningin Diddú bauð í sunnudagskaffi. Við hjóluðum á óðal þeirra hjóna í Mosfellsdalnum. Diddú hefur, að því er virðist, lítið fyrir matseldinni en galdrar fram veislurétti eins og ekkert sé. Þessi sítruskaka er næstum því óbærilega góð og ég hvet ykkur til að baka hana við fyrsta tækifæri – og ef það er ekkert tækifæri þá búið þið til tækifæri. Polenta er kornmjöl, unnið úr maís.

Sítruskaka Diddúar

225 g smjör

200 g sykur

3 egg

125 g möndlumjöl

125 g polenta

1 tsk lyftiduft

safi úr tveimur sítrónum

börkur af einni sítrónu

safi úr tveimur appelsínum (er líka gott að nota appelsínuþykkni óblandað, fæst frosið, í stað kreists safa úr appelsínum

100 g valhnetur

Jarðarber og súkkulaði til skrauts

 

Þeytið smjör og sykur mjög vel. Bætið út í einu og einu eggi í einu, þá þurrefnunum og loks appelsínu- og sítrónusafanum ásamt berkinum og valhnetunum og hrærið smá stund. Bakið í tertuformi í um 45 mín við 170°

PDF til útprentunar

3 thoughts on “Sítruskaka Diddúar

  1. Góðan dag, mig langar svo til að baka Sítrúskökuna hennar Diddúar en ég finn hvergi þetta Polenta mjöl sem hún notar í kökuna. Hefurðu hugmynd um hvar er hægt að kaupa þetta.
    Kveðja, Helga

Leave a Reply

Your email address will not be published. Required fields are marked *