Kúrbítsbrauð með súkkulaði

Kúrbítsbrauð kúrbítur hörfræ súkkulaði

Kúrbítsbrauð. Af óskiljanlegum ástæðum klárast mjög oft súkkulaðið á þessu heimili…. Allavega var ekki til nema lítill biti af súkkulaði þegar brauðið var bakað. En engu að síður er það gott og jafn vel enn betra daginn eftir

Kúrbítsbrauð

3 msk möluð hörfræ

1 dl heitt vatn

2/3 b sykur

1 dl eplamús

1 dl góð olía

1 tsk vanilla

1 kúrbítur – rifinn

1 b hveiti

1/2  b heilhveiti

1 tsk lyftiduft

1/2 tsk matarsóti

1 tsk kanill

1 múskat

1/2 tsk salt

1 dl rúsínur

1 dl súkkulaði

Malið hörfræin og setjið í skál, hellið heitu vatni yfir og hrærið saman. Bætið því næst sykri, olíu, eplámús og vanillu saman við ásamt kúrbít og blandið vel saman.

Bætið út í þurrefnunum og blandið vel saman með sleif. Bakið í jólakökuformi á 175°í 55 mín.

e.s. er ekki frá því að brauðið hafi bragðast betur daginn eftir

Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.