Engiferteriyaki hlýri

Engiferteriyaki hlýri engifer fiskur teryaki
Engifer teriyaki hlýri

Engifer teriyaki hlýri

Svipaður réttur birtist í Húsum og híbýlum fyrir nokkrum árum og var ættaður frá konu af góðu erlendu bergi brotin, að mig minnir, en þar sem ég hef týnt uppskriftinni, er hann dálítið upp úr mér. Auðvitað má nota annan fisk en hlýra, konan var með lax í sínum rétti. Af einhverjum ástæðum lauma ég alltaf meira af hvítlauk og engifer en sagt er í uppskriftum, en reyni að stilla í hóf hér. Þeir sem vilja láta „bíta svolítið í“ geta því aukið magnið, en í báðum tilfellum er hann ægigóður.

Engifer teriyaki hlýri

vænt hlýraflak

1/2 dl soyasósa

1 tsk teriyaki sósu

smávegis worcesterhire sósa

1 tsk rifið engifer

1 dl hvítvín

1 tsk hunang

1 hvítlauksrif – skorið smátt

Hitið allt nema hlýrann í potti. Látið kólna. Setjið fiskinn í skál og hellið leginum yfir, geymið í ísskáp í um 30 mín.

Setjið hlýrann í eldfast form og bakið í 170° heitum ofni í 15 mín (passið að elda hann ekki of lengi).

Sósa með fiskinum. Látið marineringarlöginn í pott, bætið við eins og hálfum bolla af vatni, fiskikrafti og þykkið með smá kartöflumjöli (sem er leyst upp í köldu vatni)

Hlýri í mareneringu

Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.