Döðlubrauð með apríkósum
Í sunnudagsbíltúr fyrir skömmu var komið við hjá Stínu Ben og Gunna Ben(eins og hann er stundum kallaður hér í gríni). Eins og oft áður hjá þeim hjónum sá vart í borðið fyrir heimabökuðu kaffimeðlæti. Þetta döðlubrauð með apríkósum bragðaðist einstaklega vel með nettri smjörklípu á.
.
— DÖÐLUBRAUÐ — BAKSTUR — STÍNA BEN —
.
Döðlubrauð með apríkósum
2 b döðlur
2 b hveiti
1/2 b púðursykur
1 tsk natron
2 egg
1-2 msk bráðið smjör
1/3 b apríkósur, skornar í strimla
Leggið döðlur í bleyti í sjóðandi vatni þannig að það fljóti yfir þær, blandið saman púðursykri,hveiti og natroni og geymið í skál, bleytið í þessu með eggjum og bræddu smjöri. Látið döðlurnar og apríkósurnar í restina saman við. Hrærið sem minnst, bakið í jólakökuformi 1 klst við 175-200° í ca 1 klst 2 lítil form eða 1 stórt.
.
— DÖÐLUBRAUÐ — BAKSTUR — STÍNA BEN —
.
