Daglegt brauð – Café Valný

Daglegt brauð – Café Valný fræ korn Heba Guðrún Egilsstaðir

Á Egilsstöðum er mjög fínt kaffihús sem heitir Café Valný – þangað er gott að koma og heimilislegur bragur á öllu. Maturinn góður og allt útbúið á staðnum. Fólk sem er í matseld alla daga og af lífi og sál, hættir stundum að fara eftir uppskriftum og það getur verið erfitt að fá nákvæm hlutföll. Í meðfylgjandi uppskrift er ekkert magn við mjólkina eða súrmjólkina og brauð bakað þangað til það er tilbúið….

En brauðið er mjög gott og vel þess virði að koma við á Café Valný

Daglegt brauð – Café Valný

ca. 1 kg hveiti

1 msk sykur

ca 1 poki 5 korna fræblanda

3 tsk lyftiduft

1 tsk natron

1 tsk salt

mjólk

súrmjólk

öllu blandað saman og vætt með mjólk og súrmjólk = þykkt deig.
sett í tvö stór brauðform, penslað með eggi og fræjum stráð yfir.
bakað á 180 þangað til tilbúið.

ég set stundum hvannafræ eða byggmjöl í brauðið.

Kv. Heba og Gunna á Café Valný

Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.

Fyrri færsla
Næsta færsla