Ostabrauð

Ostabrauð hef ég mörgum sinnum bakað bæði fyrir veislur út í bæ og líka fyrir heimilisgesti – ávallt við mikla hrifningu. Upphaflegu uppskriftina fékk ég hjá Halldóru systur minni fyrir löngu. Frétti að ostabrauð þetta væri alltaf bakað þegar saumaklúbbur nokkur í Vestmannaeyjum kemur saman og gerir sér dagamun.

Ostabrauð

deig:

7 dl hveiti

2 tsk ger

3 dl volg mjólk

1 tsk salt

1  tsk sykur

3 msk olía

Setjið hveitið í skál, leysið gerið upp í volgri mjólk og setjið útí hveitið ásamt salti, sykri og olíunni. Hrærið vel saman og slátið lyfta sér í amk 30 mín. Gott ráð er að útbúa deigið deginum áður og láta það lyfta sér rólega í ísskápnum.

fylling

2 msk Dijon sinnep

1 askja beikonsmurostur

2oo g skinka í sneiðum

150 g pepperoni

rifinn ostur

ofaná:

tómatasneiðar

mozzarella ostur rifinn

maldon salt

pipar

Fletjið deigið út og skiptið í tvær lengjur. Smyrjið þunnu lagi af Dijon sinnepi í miðjuna, setjið skinkusneiðar, beikonost, pepperoni og rifinn ost þar ofan á. Lokið með því að leggja deigið yfir fyllinguna, klípið deigið vel saman svo það opnist ekki í bakstrinum (einnig á endunum).

Setjið ofaná tómatsneiðar, mozarellaost, salt og nýmulinn pipar.

bakið í ca 30 mín við 180-190 gráður

Leave a Reply

Your email address will not be published. Required fields are marked *