Tómatbaka

TÓMATBAKA. Það er kjörið að nota tómata í böku enda er núna allt fullt af tómötum – meira að segja í stofuglugganum hjá okkur eins og sjá má á myndinni hér að neðan. Tómatar eru auðræktanlegir en gott er að hafa í huga að það kemur frekar slæm lykt ef fólk er mikið að snerta blöðin á trénu/plöntunni. Stundum hef ég smátt saxað einn stóran lauk, steikt í olíu og sett ofan á dijon sinnepið. Bakan var borin fram með fersku grænu salati og bankabyggsalati.

TÓMATBAKA

1 pk frosið smjördeig

1/2 dós sýrður rjómi

1- 2 msk af Dijon sinnepi

150 g rifinn ostur

1 msk af basilikum

1 msk timian

pipar

5-6 tómatar

smá ólífuolía

Látið smjördeigið þiðna, fletjið það út og setjið í (kringlótt) eldfast form. Blandið saman sýrðum rjóma og Dijon sinnepi og smyrjið yfir deigið. Dreyfið ostinum yfir og kryddinu þar ofan á. Skerið tómata í sneiðar eða báta og takið þetta blauta úr þeim (annars verður bakan of blaut), raðað yfir fatið. Setjið olífuolíu yfir.

Bakið í 200° heitum ofni í 20 mín.

Má borða heitt eða kalt.

Hér má sjá vandaða umfjöllun um tómata og hér að neðan er tafla með næringarinnihaldi tómata

Leave a Reply

Your email address will not be published. Required fields are marked *