Rauðrófusúpa

Rauðrófusúpa rauðrófur súpa

Rauðrófusúpa. Ætli megi ekki segja að rauðrófur séu í tísku um þessar mundir, kannski eru þær að taka við af engiferinu.

Rauðrófusúpa

1 laukur

1 dl góð olía

2 rauðrófur (ca 500 g)

2 gulrætur

150 g sæt kartafla

3-4 kartöflur

1 msk kóríander

1 msk kúmmín

grænmetiskraftur

salt og pipar

ca 1 l vatn

Saxið laukinn og stekið í olíu. Saxið gróft niður rauðrófur, gulrætur og kartöflur, látið út í pottinn ásamt grænmetiskrafti, vatni, salti og pipar. Sjóðið í um 30-40 mín. Maukið með töfrasprota. Berið fram með sýrðum rjóma.

Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.