Franskt gulrótasalat – bragðgott, hollt og fallegt

Gulrótasalat – Salade de carottes râpées. Enn eru hér áhrif frá ferð okkar til Frakklands. Í einni af mörgum veislum var hlaðborð, þar var þetta guðdómlega gulrótasalat. Á meðan prúðbúnir gestir hlustuðu á allt of langar ræður laumaðist ég að borðinu tók myndir og smakkaði laumulega.

Borðum meira af hráu grænmeti – þetta salat er bragðgott og fallegt. Þið eigið eftir að útbúa þetta aftur og aftur. Ekki bíða, byrjið núna

Gulrótasalat – Salade de carottes râpées.

1/2 kg gulrætur, rifnar

1 msk sítrónusafi

1/2 tsk Dijon sinnep

3 msk góð ólífuolía

1/4 tsk salt

pipar

fersk steinselja.

Rífið gulræturnar og setjið í skál. Blandið saman sítrónusafa, sinnepi, oliu, salti og pipar. Hellið yfir gulræturnar og látið standa í um 30 mín við stofuhita áður en þetta er borðað.

One thought on “Franskt gulrótasalat – bragðgott, hollt og fallegt

  1. Smá pæling með þetta guðdómlega salat………hverju munar ef ég laga sallatið deginum áður…….þannig að það liggur í safanum/marineringunni í heilan sólarhring…….

Leave a Reply

Your email address will not be published. Required fields are marked *