Mexíkósk kjúklingasúpa

Mexíkósk kjúklingasúpa. Í blaði á dögunum sá ég þessa líka fínu uppskrift frá matar- eða saumaklúbbi á Akranesi. Súpan er afar bragðgóð. Neðst í uppskriftinni stendur: Þessi súpa gleður mig mjög mikið og mér finnst ótrúlega huggulegt að standa við eldavélina og dúlla mér við súpugerð. Ilmurinn um heimilið er líka dásamlegur á meðan. Hún er svolítið sterk svo ég mæli með að þið smakkið hana til.

Mexíkósk kjúklingasúpa

4 kjúklingabringur

3 paprikur (rauð, gul og græn)

2 gulrætur

1/2 blaðlaukur

2 hvítlauksgeirar

1 laukur

1/2 rautt chili, smátt skorið

5 msk góð olía

2 ds saxaðir tómatar

kjúklingakraftur

2-3 msk karrý

3 l vatn

1 /4 l rjómi

1 ds tómatpúrra

200 g Philadelphia ostur með sweet chili

salt og pipar

Hitið olíu á pönnu við vægan hita, saxið grænmetið smátt og steikið stutta stund á pönnunni. Setjið grænmetið í stóran pott, bætið vatninu, tómatpúrru, karríi, kjúklingakrafti og tómötum saman við og látið malla á meðan þið steikið kjúklinginn.

Skerið kjúklinginn í litla bita, steikið í olíu á pönnu í smá stund. Kryddið með kjúklingakryddi, salti og pipar. Bætið kjúklingnum við súpuna og látið sjóða við vægan hita í 10-15 mín. Að lokum fer rjóminn og rjómaosturinn saman við.

Berið súpuna fram með sýrðum rjóma, rifnum osti og nachos-flögum, sem hver og einn bætir á sinn disk eftir smekk.

PDF til útprentunar

4 thoughts on “Mexíkósk kjúklingasúpa

Leave a Reply

Your email address will not be published. Required fields are marked *