Blómkáls- og möndlusalat

Blómkáls- og möndlusalat. Möndlur eru hollustufæði. Þær innihalda mjög mikið prótein og ættu að vera hluti af daglegu fæði okkar.  Þær innihalda mikið af E-vítamíni, fólínsýru, magnesíum, kopar, trefjar og mikið af andoxunarefnum. Stútfullar af næringarefnum. Með því að láta salatið standa við stofuhita í ca tvær klst þá brotnar grænmetið niður og verður auðmeltanlegra, sítrónusafinn hjálpar þar til. Salatið getur staðið sem sér réttur, það er kjörið meðlæti með fisk- eða kjötréttum, einnig grænmetisréttum eða í staðinn fyrir hrísgrjón með mat

Blómkáls- og möndlusalat

1 haus blómkál (meðal stór)

3 dl möndlur (lagðar í bleyti í 4-5 klst)

1/2 agúrka

3-4 msk fersk mynta, smátt söxuð

3 tómatar

1 rauð paprika

5 cm blaðlaukur, saxaður smátt

1/2 dl góð olía

safi úr 1/2 sítrónu

2-3 msk vatn

salt og pipar

Rífið blómkál, möndlur og agúrku í matvinnsluvél. Bætið út í myntu og papriku. Skerið tómatana í báta og hreinsið fræin innan út, blandið saman. Hristið saman olíu, sítrónusafa, vatn, salt og pipar, hellið yfir grænmetið og blandið vel saman. Látið salatið standa í um 2 klst áður en það er borðað.

 

Leave a Reply

Your email address will not be published. Required fields are marked *