Maríukaka

Maríukaka

Maríukaka, ekki veit ég við hvaða Maríu þessi kaka er kennd. Sjöfn kom með kökuna í síðasta síðdegiskaffi. Það er passlegt að fá sér litla sneið af þessari annars ágætu köku 🙂

Maríukaka

3 egg

1 dl sykur

4 msk smjör

100 g gott dökkt súkkulaði

1 tsk salt

1 tsk vanilludropar

1 1/2 dl hveiti

 

ofan á kökuna:

4 msk smjör

1/2 dl púðursykur

3 msk rjómi

1 pk pecanhnetur

100 g gott dökkt súkkulaði

Þeytið vel saman egg og sykur. Bræðið súkkulaðið og smjör varlega saman og bætið þurrefnunum saman við ásamt eggjahrærunni. Bakið við 175° í 17 mín

Hitið í potti smjör, púðursykur og rjóma. Bætið hnetunum á kökuna, hellið púðursykurbráðinni yfir kökuna og bakið áfram í 17 mín.

saxið súkkulaðið og stráið því yfir kökuna þegar hún kemur úr ofninum.

Maríukaka María kaka terta kaffimeðlæti pekan hnetur súkkulaði Sjöfn

Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.