Indverskt mangósalat

Grikkland salat mango

Indverskt mangósalat. Einhver hafði á orði að að mangó væri þjóðarávöxtur Indverja, en þeir framleiða um 40% af öllu mangói í heiminum. Talið er að yfir eitt þúsund tegundir af mangói séu til. Það er ágætt að kaupa mangóið og lárperuna nokkrum dögum áður og láta það þroskast, t.d. í eldhússglugganum.

Indverskt mangósalat

grænt salat (notaði aðallega grænkál)

2 stór mangó

1 gúrka

1 rauðlaukur

1 stórt avókadó

2 msk góð olía

3 msk sítrónusafi

3 tsk eplaedik

1/2 b saxað kóriander

chili

1 msk masala krydd

1 hvítlauksrif, fínt saxað

salt og pipar

Skerið salatið gróft og setjið í skál, skerið niður mangó, gúrku og rauðlauk og bætið saman við. Blandið við olíu, sítrónusafa, ediki og kryddi. Látið standa í amk klst áður en þetta er borðað.

PDF til útprentunar

One thought on “Indverskt mangósalat

  1. Og þættinum barst bréf:
    Líst svakalega vel á magnósalatið 🙂 Þú stingur upp á því að láta avakadóið og mangó þroskast í eldhúsglugganum. Sástu gamanmyndina þar sem sjálfur Guð var að fara yfir málin og meðal þess sem hann sá mest eftir var að hafa haft steinan í mangó og avakadó svona stóra 🙂

Leave a Reply

Your email address will not be published. Required fields are marked *