Kartöflumús úr sætum kartöflum

Sætkartöflumús sætar kartöflur Dóra Emils Kartöflumús með sætum kartöflum mötuneyti listaháskólans
Kartöflumús með sætum kartöflum

Kartöflumús með sætum kartöflum

Kartöflumús með sætum kartöflum ( sætkartöflumús ) er góð tilbreyting í meðlætinu. Best finnst mér að flysja kartöflurnar, skera þær í grófa bita, sjóða. Bæta síðan við smjörklípu og krydda með cumini og múskati.

Listakokkurinn Dóra Emils í Listaháskólanum á stóran þátt í að ég fékk áhuga á heilsusamlegu mataræði. Um daginn hitti ég Dóru og hún bunaði út úr sér góðum ráðum varðandi matreiðslu á hinum og þessum réttum. M.a. sagði hún mér að gott væri að setja eplamús út í Waldorfssalatið. Hins vegar skolaðist þetta aðeins til í kolli mínum og ég setti eplamúsina út í kartöflumúsina með sætu kartöflunum…. En hún bragðast mjög vel með eplamús.

KARTÖFLUMÚSEPLAMÚS

.

Kartöflumús með sætum kartöflum

1 kg sætar kartöflur

50 g smjör

1 tsk cumin

1 tsk múskat

1/2 b eplamús

salt og pipar

Flysjið kartöflurnar, skerið í bita og sjóðið. Hellið soðinu af, bætið við smjöri, eplamús og kryddi. Maukið

KARTÖFLUMÚSEPLAMÚS

.

Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.