Valhnetu- og sveppapaté

pate

Valhnetu- og sveppapaté. Hnetu-, sveppa- og baunasamsetningin er algjör galdur í þessari kæfu. Verst að maður á svo erfitt með að hætta að borða hana og þess vegna er ekki verra að tvöfalda uppskriftina, enda allt í lagi að gúffa í sig svona hollustufæðu. Ekki tilkynna kjötætum að það sé ekki kjöt í kæfunni, þá verða þær oft eins og þeim hafi verið sagt að fara á hnén og byrja að tilbiðja einhvern allt annan guð. Ef þær vita ekkert um innihaldið, rífa þær þetta í sig með bestu lyst! Já, þetta er lostæti.

Valhnetu- og sveppapaté

3 msk ólifuolía

1 b saxaður laukur

3 hvítlauksgeirar

1 tsk timian

1 tsk estragon

1 tsk salt

pipar

1 askja saxaðir sveppir

1 b léttristaðar valhnetur

3/4 b hvítar baunir úr dós

1 tsk balsamik edik

allt að 1/4 b kalt grænmetissoð

Hitið 2 msk msk af ólífuoliu í stórri pönnu við meðalhita, setjið laukinn út í og steikið í 3-5 mín þar til hann er glær. Bætið hvítlauk við, timian, estragon, salti og pipar. Steikið áfram í eina mín. Bætið því næst sveppum í og steikið í 7-10 mín eða þar til þeir eru mjúkir. Lækkið hita ef nauðsynlegt er svo þeir brenni ekki. Á meðan sveppirnir steikjast, setjið valhneturnar í matvinnsluvélina og malið fínt. Setjið sveppablönduna út í valhneturnar í matvinnsluvélina, ásamt balsamediki, baunum og restinni af ólífuolíunni. Blandið vel saman og bætið við grænmetissoði einni msk í einu, ef þarf, þar til þetta er passlega mjúkt. Á að líkjast kæfu. Setjið í ílát, lokið vel og kælið í amk klst.

PDF til útprentunar

Leave a Reply

Your email address will not be published. Required fields are marked *