Moussaka

Moussaka

Moussaka. Einfaldasta lýsing á moussaka er: ofnréttur með eggaldini. Það kom mér gríðarlega á óvart, þegar ég fór að leita að góðri uppskrift að moussaka, hversu margar og ólíkar þær eru. Þegar ég hafði farið í gegnum mínar uppskriftarbækur fór ég á netið og skoðaði þar fleiri tugi uppskrifta. Margir tengja moussaka við Grikkland, en réttara væri að tengja réttinn við Balkanskagann og Miðjarðarhafið. Moussaka rétturinn var borinn fram með blóm- og grænkálssalati. Ákaflega handhægur og góður veisluréttur

Moussaka

2 eggaldin

1-2 dl góð olía

2 laukar

4 hvítlauksrif

2 kúrbítar

1 stilkur sellerí

2 gulrætur, í sneiðum

4-5 tómatar, saxaðir

8-10 kartöflur (ósoðnar, skornar í sneiðar)

1 ds tómatar

1 b vatn

1/2 b linsubaunir

1 tsk múskat

1 msk timían

1 tsk oreganó

1 msk kanill

salt og pipar

1 ds grísk jógúrt

rifinn ostur

Skerið eggaldin í 1-2 cm sneiðar og steikið í olíu á pönnu – takið til hliðar.  Saxið lauk og hvítlauk og steikið í olíu í sæmilega stórum potti. skerið niður sellerí og kúrbít og bætið við ásamt gulrótum, tómötum, kartöflum, vatni, linsubaunum og kryddi. Sjóðið við lágan hita í ca 10 mín. Setjið í eldfast form, raðið eggaldinsneiðunum yfir, smyrjið jógúrtinu þar yfir og stráið loks ostinum yfir. Bakið í ofni við 170° í um klst.

Leave a Reply

Your email address will not be published. Required fields are marked *