Karamellumarengsterta

Karamellumarensterta

Karamellumarengsterta. Magga kom með þessa tertu í síðasta föstudagskaffi. Karamellumarengsterta eins og þessi er hugmynd á fermingarveisluhlaðborðin, með öllum hollusturéttunum ;-). Uppskriftin er úr Gestgjafanum frá 1984 þar segir m.a. „Allir sem smakka tertuna falla fyrir henni. Hún er sæt eins og syndin en hún er einnig eins og konfektmoli, þú þarft einungis einn mola.“

Karamellumarengsterta

4 eggjahvítur

200 g flórsykur

1 tsk lyftiduft

100 g döðlur

100 g gott dökkt súkkulaði

100 g salthnetur

Stífþeytið eggjahvíturnar og flórsykurinn saman og blandið lyftiduftinu saman við. Skerið döðlurnar smátt, fínsaxið súkkulaðið og salthneturnar og blandið þessu saman við deigið. Skiptið deiginu í tvö form og bakið við 150°í eina klst.

Karamellukrem

30 g smjör

100 g púðursykur

2 msk síróp

1/2 tsk salt

1 tsk vanilla

2 dl rjómi

Bræðið smjör og bætið púðursykri út í, ásamt sírópi og vanillusykri. Látið suðuna koma upp og bætið þá rjómanum út í. Haldið áfram að sjóða í 5-10 mínútur og látið svo blönduna kólna.

Fylling

2 1/2 dl rjómi, þeyttur

1 hálfdós niðursoðnar ferskjur, skornar í bita

Setjið þeyttan rjóma og ferskjur á milli botnanna og hellið kreminu síðan yfir tertuna.

Karamellumarensterta

Leave a Reply

Your email address will not be published. Required fields are marked *