Döðluterta Ólafs

Afmæli

Döðluterta Ólafs. Herra Ólafur hélt upp á fyrsta afmælisdaginn sinn í dag með pompi og prakt. Að vísu setti hann smá spurningamerki við afmælissönginn og stakk vísifingri í annað eyrað á meðan prúðbúnir gestir geru sitt besta í söngnum. Það er til fyrirmyndar þegar fólk býður upp á fáar tegundir með kaffinu en MJÖG GÓÐAR, þetta gerði Ólafur í dag. Hann var með hráfæðistertu úr nýju eftirréttabók Sollu og svo þessa næstumóbærilegagóðutertu. Döðlutertan á myndinni er úr tvöfaldri uppskrift. Döðluterta Ólafs

Döðluterta Ólafs

3 msk púðursykur

2 msk góð olía

1 tsk Molasses (eða síróp)

1/4 b sojamjólk + 1/2 tsk eplaedik

1/2 b döðlumauk (sjá nánar í lýsingunni að neðan)

1/2 b heilhveiti

1 tsk lyftiduft

1/4 tsk matarsódi

Krem:

150 g gott dökkt súkkulaði

2-3 msk góð matarolía

Kakan: Blandið öllum þurrefnunum saman. Sjóðið 10-12 döðlur í ca 3 msk af vatni í nokkrar mín. Látið kólna og maukið því næst. Setjið saman í skál sykur, olíu, síróp, döðlumauk og mjólk. Blandið saman þurru og blautu þurrefnunum og hrærið vel. Smyrjið tertuform, setjið deigið í og bakið við 180°í um 20-25 mín.

Kremið: Bræðið súkkulaðið í vatnsbaði með olíunni, látið kólna lítið eitt og hellið því næst yfir kökuna.

Skreytið með ávöxtum.

Döðluterta Ólafs

Leave a Reply

Your email address will not be published. Required fields are marked *