Daimterta – dæmalaus góð terta

Daimterta, páskaterta, terta, páskar, ísterta, Daim, Margrét eggertsdóttir dæmalaus góð terta
Daimterta

Daimterta

Þetta er marengs með ís ofan á og er yfirleitt ekki uppskrift sem megrunarráðgjafar gefa í fyrsta tímanum, en það eru nú einu sinni páskar!

Við skulum heldur ekki gleyma því að möndlur eru ofurfæði, fullar af próteinum, trefjum, vítamínum og snefilefnum; E-vítamíni, fólínsýru, magnesíum og kopar, svo fátt eitt sé nefnt. „Lúka af möndlum á dag kemur hjartanu í lag“ eru gömul sannindi, sem hafa nú verið sönnuð með 14 ára rannsókn á 86,000 manns. Nóg um það.

MARENGSUPPSKRIFTIR — MÖNDLUTERTUR – DAIMTERTURPÁSKAR

.

Daimterta

Botn:

3 eggjahvítur
150 g sykur
150 gr saxaðar möndlur

– Þeytið eggjahvítur og bætið sykri smátt og smátt út í. Þeytið frekar hægt og lengi, svo að sykurinn fái tíma til að bráðna alveg. *

– Síðast er möndlunum blandað varlega en vel saman við.

– Setjið í hátt lausbotna form með bökunarpappír á botninum (best er að leggja hann á botninn, smella svo ofan á og klippa pappírinn í kring).

– Bakið við 160° í 1 klst. Takið ekki úr forminu.

Ís:

4 dl rjómi
3 eggjarauður
100 g sykur
4 stk Daim súkkulaðiplötur

– Stífþeytið rjómann og saxið súkkulaðið (ekki of smátt)

– Þeytið eggjarauður og sykur vel saman (sykur á að bráðna alveg).

– Blandið rjómanum og súkkulaðinu varlega en vel saman við eggjakremið.

– Hellið ísnum yfir botninn í forminu og frystið. Tekið úr frysti 1/2-2 klst. fyrir notkun, eftir því hvað hvað maður vill hafa ísinn harðan.

– Að lokum er þeyttum rjóma sprautað utan með og e.t.v. skreytt með berjum eða öðru sem er við hendina.

* Athugið að illmögulegt er að þeyta hvítur í plastskál eða skál sem er ekki vel þurrkuð eða með örðu af fitu á (einmitt þess vegna má ekki vera vottur af eggjarauðu með). Gott er að renna yfir skálina með sítrónusneið til að taka af allan vafa um að fita leynist á henni.

Efnafræðigaman: Próteinsameindir í eggjahvítu eru kúlulaga. Þegar hvítur eru þeyttar, titra atóm og sameindir próteinsins meira en venjulega. Amínósýrurnar haldast að vísu saman, en veik vetnistengi milli atómanna rofna og breyta lögun kúlunnar, hún opnast og loft ryður sér inn á milli. Held þetta sé á þessa leið, en leiðréttið mig ef ekki.

.
MARENGSUPPSKRIFTIR — DAIMTERTURPÁSKAR
.
Daimterta
Daimterta
Daimterta
Daimtertuuppskrift Margrétar. Uppskriftin kemur, eins og margar aðrar góðar, frá Margréti Eggertsdóttur.

.

MARENGSUPPSKRIFTIR — MÖNDLUTERTUR – DAIMTERTURPÁSKAR

— DAIMTERTA —

.

Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.