Spaghetti a la Demetz

Spaghetti

Spaghetti a la Demetz. Í mörg ár skrifaði ég í Gestgjafann, mér til mikillar ánægju. Eitt eftirminnilegasta viðtalið var við Sigurð Demetz Fransson söngvara sem þá stóð á níræðu. Demetz fæddist í Suður-Týról árið 1912.  „Munið að sjóða spagettí í 7 mínútur ekki meira og ekki minna.” sagði hann aðspurður um galdurinn við að sjóða pasta. Þegar Demetz flutti til Íslands árið 1955 var hér hvorki til spagetti né annað pasta og enginn vissi hvað það var – hann lét því senda sér pasta, tómatvörur og ýmislegt annað frá Ítalíu.

Spaghetti a la Demetz

1/4 l ólífuolía

1/2 eggaldin

1/2 kúrbítur

2 laukar

250 sveppir

1 græn paprika

1/2 blaðlaukur

1/2 kg tómatar afhýddir og kjarninn tekinn úr

2 dósir tómatar saxaðir

1 dós Cirio tómatsósa

1 dós Cirio tómatpurée

10-15 blöð ferskt saxað basil

2-3 greinar ferskt rósmarín

5-7 Honig súputeningar nauta

chili pipar

salt og pipar

1 kg spaghetti
Hitið olíuna í stórum potti. Rífið eggaldin og kúrbít niður á rifjárni og skerið annað (lauk, sveppi, papriku, blaðlauk) frekar smátt og steikið í olíunni. Bætið við tómötum, tómatsósu, tómatmauki, kryddi og súputeningum. Látið sjóða við vægan hita í 2-3 klukkustundir og hrærið í reglulega.

Sjóðið spaghetti samkvæmt leiðbeiningum á pakkanum. Hellið á sigti og látið renna kalt vatn á í örstutta stund. Setjið í skál.

Spaghetti á djúpan disk+sósa yfir og loks rifinn parmeggiano yfir.

2 thoughts on “Spaghetti a la Demetz

  1. Takk fyrir allar þínar góðu uppskriftir, nú er erfitt að fá Hoing súputeninga, hvað notar þú í staðin, á aðra góða mjög góða uppskrift frá Demetz, sem ég fékk í Gestgjafanum, en mér finnst hún ekki eins góð þegar vantar Honig teninganna, hvað er til ráða

  2. Þetta er svolítið stór uppskrift. Veistu fyrir ca hversu marga þetta er? Er í alvöru notað 1/4 líter af ólífuolíu? 😯

Leave a Reply

Your email address will not be published. Required fields are marked *