Kjúklingur à la Bogi
Við dvöldum á Akureyri um helgina og borðuðum þar á okkur gat – eða kannski göt… Bogi er afbragðs kokkur og sá um aðalréttin – annars eru þau hjón mjög samstíga í eldhúsinu og stússast þar gjarnan bæði. Á meðan Bogi mallaði kjúllann útbjó Helga salat og kartöflumús úr sætum kartöflum og fetaosti
.
— HELGA OG BOGI — AKUREYRI — KJÚKLINGUR —
.
Kjúklingur a la Bogi fyrir 4+
6 kjúklingabringur
fetaostur- kubbur
sólþurraðir tómatar- lítil krukka
ólífur- svartar eða grænar eða í bland. 1 krukka
spínat
PRIMA kjúklingakrydd
salt+svartur pipar
Fetaostur- ólífur og sólþurraðir tómatar saxað saman.
Skerið vasa í kjúklingabringurnar og raðið þar inn í spínatblöðum sem og fetaostsjukkinu. Kryddið bringurnar vel með kjúklingakryddinu og dassi af salti og pipar og setjið í eldfast mót. Látið í 210 gráðu heitan ofn í ca 30-40mínútur – eða þar til kjúklingurinn er tilbúinn.
