Grísk eplaterta

Grísk eplaterta Eplaterta Grikkland Milopitu eplakaka kaffimeðlæti terta grísk
Grísk eplaterta

Grísk eplaterta

Kunnugir segja að þessi uppskrift minni á Milopitu, sem ku vera grísk eplakaka/pæ, það má kannski segja að þessi eplaterta sé af grískum ættum. Það tekur stuttan tíma að undirbúa deigið og hún er kjörin með kaffinu. Eplatertan er mjúk og ilmar vel.

GRIKKLANDEPLATERTUR

.

Grísk eplaterta

1 b heilhveiti

1 b spelt

2 tsk lyftiduft

1 tsk kardimommur

1/2 tsk salt

1/2 b kókosolía (brædd)

2/3 b púðursykur

2 tsk vanillu extract

1 b möndlumjólk (eða sojamjólk)

2 msk sykur

1 tsk kanill

2 græn epli

Ofan á:

1/2 b pekan eða valhnetur, saxaðar frekar gróft

1/3 b púðursykur

1/4 b kókosolía, fljótandi

1/2 tsk kanill

1/2 tsk kardimommur

kúffull msk heilhveiti

1/3 tsk salt

Botn: blandið saman heilhveiti, spelti, lyftidufti, kryddi, púðursykri, sykri, vanillu, mjólk og kókosolíu. Skerið eplin í frekar þunnar sneiðar og bætið þeim saman við. Blandið varlega saman. Smyrjið kringlótt form og látið deigið í.

Ofan á: Blandið öllu saman og setjið ofan á deigið. Bakið við 175° í um 50-60 mín.Eplaterta Grikkland

GRIKKLANDEPLATERTUR

.

Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.