Chiagrautur – hollustufæði

Chiagrautur – hollustufæði raw food morgunmatur hafrar möndlur möndlumjólk
Chiagrautur

Chiagrautur

Chiagrautur er sannkallaður gæðagrautur, stútfullur af Omega-3 og mörgu fleiru góðu. Chiagrautur er upplagður fyrir þá sem eru með afsakanir og segjast ekki hafa tíma til að undirbúa til hollan morgunverð – þið blandið saman fræjum og mjólk að kvöldi og geymið í ísskápnum yfir nótt. Stundum helli ég yfir fræin að morgni, skutla mér í sturtu og svo er grauturinn tilbúinn að henni lokinni.
CHIAGRAUTAR
.

Chiagrautur

2 msk chiafræ (vel fullar matskeiðar)

1 msk tröllahafrar

1/3 tsk kanill

1 b möndlumjólk eða önnur holl mjólk

1 msk saxaðar möndlur eða hnetur

ávextir að eigin vali

Setjið chiafræin, hafra og kanil í skál, hellið mjólkinni yfir og blandið saman. Látið standa í ísskáp í um 20 mín eða yfir nótt. Setjið grautinn í skálar og stráið yfir eplum, möndlum, hentum, jarðarberjum, bláberjum, gojiberjum, kókosflögum eða kakónibs ofaná og síðan möndlumjólk útá.

FLEIRI CHIAGRAUTAR

.

Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.