Fíkjubrauð

Fíkjubrauð hnetur fíkjur gráfíkjur brauð
Fíkjubrauð

Fíkjubrauð

Fullt af hollustu. Að vísu átti ég ekki AB-mjólk eins og stendur í upphaflegu uppskriftinni en notaði í staðinn soyamjólk. Brauðið er bæði gott nýbakað með hollu viðbiti og líka daginn eftir.

Fíkjubrauð

300 g gráfíkjur, heilar

3 dl sjóðandi vatn

10 dl spelt, fínt og gróft

4 msk vínsteinslyftiduft

1 tsk salt

1/2 tsk vanilluduft

100 g valhnetur, grófsaxaðar

100 g heslihnetur, grófsaxaðar

4 dl soyamjólk

nokkrar valhnetur til að setja ofan á.

Setjið gráfíkjur í skál og hellið sjóðandi vatni yfir. Hrærið allt sem er í uppskriftinni varlega saman í skál. Bætið gráfíkjum við ásamt vatninu. Setjið í tvö meðalstór brauðform. Leggið valhnetur ofan á brauðdeigið og bakið í 40 mín. við 180°

Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.