Sítrónukjúklingur Gissurar Páls

Sitronukjuklingur

Sítrónukjúklingur Gissurar Páls. Það er eins með Gissur Pál og aðra óperusöngvara sem ég þekki, hann hefur mjög mikinn áhuga á mat. Bæði er áhuginn á matargerðinni og ekki síður að borða góðan mat. Þennan ítalska kjúklingarétt galdraði hann fram á dögunum. Kjúllinn vakti mikla lukku enda ljúffengur svo ekki sé nú meira sagt. Fuglinn var eldaður í eldgömlum Rafha ofni sem ekki er með blæstri, að sögn meistarakokksins bragðaðist hann betur en áður. Sítrónukjúklingur eða pollo al limone er algengur ítalskur réttur, en þar sem Gissur Páll heitir Páll, getum við kallað hann Pollo al Paolo. Með kjúklingnum var borið fram afar ljúft tómatasalat

Sítrónukjúklingur Gissurar Páls

2 vænir kjúklingar

7 sítrónur, skornar í grófa bita

5 greinar timían

salt og svartur nýmalaður pipar (vel af piparnum)

Skolið kjúklinginn í köldu vatni og þerrið með pappír. Stráið pipar og salti inn í hann, kreystið sítrónurnar í lófanum þannig að safinn renni inn í kjúklinginn og látið að því loknu sítrónubitana inn í hann. Setjið timíanið bæði inn í fuglinn og líka ofan á hann. Saltið og piprið. Eldið í 170° heitum ofni í um klst. Þegar kjúklingurinn hefur verið í ofninum í um 15 mín. bætið þá við kartöflum sem skornar hafa verið í munn bita, eftir annað korter er ágætt að bæta við sætum kartöflum og etv fleiru.

Sitronukjuklingur  Sitronukjuklingur

Sætabrauðsdrengirnir í Sjólyst á Fáskrúðsfirði

4 thoughts on “Sítrónukjúklingur Gissurar Páls

  1. Mmm, þessi var himneskur. Saknaði samt að hafa ekki soðið hrísgrjón með. Hefði viljað drekkja þeim í sítrónusoðinu. Jamm.

Leave a Reply

Your email address will not be published. Required fields are marked *