Tómatpasta með ansjósum

Tómatpasta með ansjósum
Tómatpasta með ansjósum

Tómatpasta með ansjósum. Þessi réttur kemur frá Braga í gegnum Jamie Oliver og mun vera matur fátækra í Palermó á Sikiley. Það má nota tagliatelle eða spaghetti. Frábær réttur og rúsínurnar og furuhneturnar setja punktinn yfir i-ið

Tómatpasta með ansjósum

6 msk ólífuolía

4 hvítlauksgeirar, afhýddir og saxaðir

2 hnefafylli af furuhneturm

1 hnefafylli af rúsínum

12 ansjósuflök (ein dós)

3 kúfaðar matskeiðar af tómatpurée

1 glas af hvítvíni

100 g brauðmylsna

455 g pasta

Hitið olíuna á pönnu og léttsteikið hvítlaukinn. bætið þá við furuhnetum, rúsínum og ansjósum og steikið áfram í 2-3 mín eða þangað til ansjósurnar hafa bráðnað. Bætið við tómatpuré og hvítvíni og blandið vel. Lækkið hitann og sjóðið áfram í um 3 mín.  Sósan á að vera nokkuð þykk en ef hún verður of þykk má setja í hana vatn. Brúnið brauðraspið á annarri pönnu í smá olíu. Raspið á að vera stökkt og gyllt. Látið kólna á meðan pastað sýður samkvæmt leiðbeiningunum á pakkningunni. Hellið því á sigti og blandið saman við sósuna á pönnunni, stráið brauðraspinu yfir.

FLEIRI PASTARÉTTIR

Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.