Blómkálssúpa

Albert Eiriksson

Blómkálssúpa. Þegar ég kom heim í hádeginu, á afmælisdaginn minn, voru feðgarnir búnir að útbúa sérdeilis bragðgóða blómkálssúpu. Ó hvað maður er lukkulegur

Blómkálssúpa

2 msk kókosolía

1 laukur, saxaður

sjávarsalt

2 hvítlauksgeirar, saxaðir

4 dl grænmetissoð

4 dl möndlumjólk

ca 500 g blómkál, saxað gróft

1 2/3 dl næringarger (nutritional yeast)

2 tsk sítrónusafi

nýmalaður svartur pipar

Hitið olíuna í potti, léttsteikið lauk og hvítlauk bætið saltinu við. Látið saman við grænmetissoð, mjólk, og blómkál. Látið sjóða í um 20 mín eða þangað til blómkálið er soðið. Slökkvið undir og maukið. Bætið við næringargerinu, sítrónusafa og pipar.

4 thoughts on “Blómkálssúpa

    • Af heimasíðu Heilsuhússins:

      -Hvað er næringarger?
      Næringarger er notað til bragðbætingar og sem næring í grænmetis- og hráfæðisrétti. Næringarger er allt öðruvísi en hefðbundið bakstursger, en gerillinn í því er dauður og hentar því ekki í gerbakstur. Sökum þess að gerillinn er óvirkur þá hefur næringarger ekki slæm áhrif á fólk sem þjáist af sveppasýkingum eins og af völdum Candida albicans. Næringarger er mjög B vítamínríkt (sérstaklega af B12) og stærstur hluti næringarinnar kemur frá próteini.

Leave a Reply

Your email address will not be published. Required fields are marked *