Jólakaka – og sítrónuilmurinn fyllir vitin

Jolakaka

Jólakaka. Þegar sítrónudropailmurinn af jólakökum fyllir vitin á maður til að fara nokkur ár eða áratugi aftur í tímann í huganum. Í tilefni þess að í gær var fæðingardagur Birnu föðursystur minnar bakaði ég jólaköku og bauð nokkrum vel völdum gestum í kaffi. Sítrónudropailminn lagði langt út fyrir húsið (alveg eins og hjá Birnu). Bergdís kom með stórfína gráfíkjuköku sem hún bakaði upp úr handskrifaðri uppskriftabók ömmu sinnar.

„Ekki er kunnugt um nema eina sætabrauðstegund, sem beinlínis er kennd við jólin, þ.e. jólakaka, en er reyndar löngu hætt að vera bundin við þau. Orðið jólakaka hlýtur að vera ævafornt, því það hefur komist sem tökuorð inn í bæði finnsku og eistnesku, meðan Norðurlönd voru ennþá heiðin, og heitir þar joulu-kaku og joulu-kak. Orðið Yule-cake er líka til í gamalli ensku. Sú jólakaka hefur sjálfsagt verið ærið frábrugðin þeirri, sem við þekkjum, en orðið virðist sýna, að bakað hafi verið til jólanna í heiðnum sið.” Úr bókinni Í Jólaskapi eftir Árna Björnssonar

 Jólakaka

180 g mjúkt smjör

1 1/2 dl sykur

2 egg

2 msk góð olía

6 dl hveiti

2 ½ tsk lyftiduft

½ tsk kardimommur

1 msk sítrónusafi

1/3 tsk salt

1 dl rúsínur

2 dl  (soya)mjólk

Þeytið saman smjöri og eggjum, bætið við eggjum og olíu og loks öllu hinu. Smyrjið ílangt form og bakið við 180° í um 40 mín

Jolakaka

Leave a Reply

Your email address will not be published. Required fields are marked *