Ofnsteiktar sætar franskar kartöflur

Sætar franskar kartöflur

Ofnsteiktar sætar franskar kartöflur. Það skal alveg viðukennt að ég át yfir mig í kvöldmatnum. Hér á bæ voru hamborgarar og með þeim sætar franskar kartöflur. Sætar kartöflur eru kjörnar sem meðlæti og margir kannast við sætkartöflumús. Það er alveg bráðsniðugt að skera niður sætar kartöflur og steikja í ofni – einfalt og auðvelt.

SÆTAR KARTÖFLURKOKTELSÓSA

Ofnsteiktar sætar franskar kartöflur

3/4 tsk kúmín

1/2 tsk salt

ca 1/3 tsk pipar

smá chili

1-2 msk góð olía

2 sætar kartöflur

Blandið saman kúmíni, salti, pipar, chili og olíu. Takið utan af kartöflunum og skerið þær í strimla – ca 2×2 cm. Setjið þær í eldfast form og hellið kryddolíunni yfir. Blandið vel saman. Setjið í 180° heitan ofn í um 30-35 mín. Veltið þeim einu sinni eða tvisvar á meðan þær steikjast.

.

— OFNSTEIKTAR SÆTAR KARTÖFLUR —

.

Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.