Sítrónukjúklingur

Sítrónukjúklingur rósmarín extragon timían kjúlli sítrónur

Sítrónukjúklingur. Uppskriftina fékk ég senda fyrir löngu með fallegum lýsingum, þar segir að þetta sé alveg pottþéttur réttur sem allir elska. Því miður gleymdi ég að skrá hjá mér hver sendi mér uppskriftina en þetta er alveg pottþéttur réttur 🙂

Sítrónukjúklingur

100 g smjör, lint

börkur og safi úr einni sítrónu

1 tsk rósmarín

1 tsk estragon

1 tsk timian

salt og pipar

5 kjúklingabitar

kartöflur (sætar og venjulegar)

1 laukur

1 sellerýstöngull

3-4 gulrætur

3-4 msk góð olía

Búið til sítrónusmjör með því að blanda saman smjöri, sítrónuberki, sítrónusafa og kryddum. Setjið sítrónusmjörið undir skinnið á kjúklingabitunum. Skerið gróft niður kartöflur, lauk, sellerý og gulrætur og setjið í eldfast form. Hellið olíu yfir. Leggið kjúklinginn ofan á og eldið við um 150° í amk klukkustund eða þar til kjúklingurinn eru gegnsteiktur.

Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.