Sítrónubaka Steinunnar

Sitronubaka

Sítrónubaka Steinunnar. Mikið óskaplega eru GÓÐAR sítrónubökur GÓÐAR. Steinunn bauð í mat á dögunum og hafði í eftirrétt sítrónuböku sem prúðbúnir veislugestir dásömuðu með tilheyrandi …hljóðum og fallegum lýsingarorðum.

Sítrónubaka Steinunnar

Botn:
180 g hveiti

90 g sykur

90 g lint smjör

1/3 tsk salt

3 eggjarauður

1 eggja hvíta til að pensla

Sítrónu fylling:
3-4 sítrónur

275 g sykur

4 egg

300 g smjör (bráðið)

Botn: Blandið saman hveiti, sykri og salti,  bætið við smjöri – blandið saman þannig að smjörið blandist jafnt í hveitið. Bætið eggjarauðum við og hnoðið deigið saman. Kælið.

Hitið ofninn í 190C . Fletjið út deigið með bökunarpappír yfir og undir. Setja deigið í ca. 22 cm bökuform (má gjarnan kæla aftur). Setjið inn í ofn með bökunarpappír með þurrkuðum baunum ofaná til að koma í veg fyrir að deigið bólgni.
Bakið í 15 mínútur – takið bökuna út og hendið pappír og baunum burt – penslið með eggjahvítu og setjið aftur í ofn í aðrar 8 mínútur .

Fylling:  rífið börkinn af 3-4 sítrónum, blandið saman við 225g sykur – þeytið eggjum saman við.  Bætið við safa úr  3-4 sítrónum.
Setjið skálina yfir pott  af sjóðandi vatni ( gæta þess að skálin snerta ekki vatnið) . Hrærið varlega en stöðugt þar til blandan þykknar um 20 mínútur. Látið kólna í 10 mínútur áður en smjörinu er hrært saman við þar til fyllingin verður silkimjúk. Setjið í formið og látið kólna í ísskáp áður en bakan er borin fram.

2 thoughts on “Sítrónubaka Steinunnar

  1. Heill og sæll.
    Mér líst svakalega vel á þessa uppskift en bara ein spurning áður en ég prufa. Á ekki örugglega að vera brætt smjör í fyllingunni?
    Bestu kveðjur, Systa.

Leave a Reply

Your email address will not be published. Required fields are marked *