Krækiberja- og bláberjahlaup
Í haust kreistum við mikið af berjum, settum safann í klakapoka og frystum. Þetta er hentugt að eiga t.d. í búst drykki. Einnig má sjóða hlaup hvenær sem er. Ef lítið er gert í einu má hafa sykurmagnið minna en ella, því að hlaupið þarf ekki að geymast eins lengi, ef hægt er að sjóða nokkrum sinnum yfir veturinn.
— KRÆKIBER — SÓLBER — SULTUR — BLÁBER — SUMAR… — RIFSBER — ÍSLENSKT —
.
Krækiberja- og bláberjahlaup
1,5 l berjasaft
700 g sykur
1/3 tsk salt
2 kanelstangir
1-2 msk negull (gjarnan í lítinn taupoka sem bundið er fyrir)
2 vanillustangir eða 2 msk vanillu-extrakt
1 poki Melatin hleypir (blár)
Saft, sykur salt og krydd sett í pott og hitað saman. Þegar suðan kemur upp, er hleypinum stráð út í og þeytt um leið með píski. Látið bullsjóða í eina mínútu og þeytið áfram með pískinum. Hellt í tandurhreina könnu og hellt úr henni í krukkur sem hafa verið soðnar og hafa beðið rólegar í vaskinum eftir innihaldinu. Lokað strax og kælt.
Jólaglaðningurinn í ár var nýbakað Steinaldarbrauð, ekta gott franskt súkkulaði og krækiberja- og bláberjahlaup. Hér var vaknað fyrir allar aldir á aðfangadagsmorgun til að baka og svo voru „pakkarnir“ keyrðir út. Krúttlegt efni klippt í hringi og sett á lokið með teygju eða borða.
Ef bláber og krækiber kremjið þið
og komið þeim saman í pott
með kanel og negul og vanillu við,
þá verður það hollt og flott.
Það eykur á jólanna fegurð og frið
að fá sér í munninn gott.
höf: Páll Bergþórsson
— KRÆKIBER — SÓLBER — SULTUR — BLÁBER — SUMAR… — RIFSBER — ÍSLENSKT —
— KRÆKIBERJA- OG BLÁBERJAHLAUP —
–
