Jarðarberjaterta

Jardarberja terta

Jarðarberjaterta. Hef áður nefnt hér eftirminnilegar tertuhefðir í banræsku minni… æ, hvaða hvaða, ég fer að verða eins og Nigella, hún er alltaf að tala um matinn þegar hún var að alast upp…. Nema hvað á sumardaginn fyrsta bakaði mamma alltaf Sólskinstertu, ægigóða köku með vænum slurk af möndludropum (svo húsið angaði í þrjá daga á eftir), kakan var borin fram með karamellusósu. Á nýársdag, eins langt og elstu menn muna, hefur verið jarðarberjaterta á boðstólnum á Brimnesi – dásamlega góð 🙂 Það er svo ágætt að hafa í huga að botnana má baka tímanlega og frysta, þeir breytast ekkert við það. Svo er kjörið að vakna snemma á nýársdag (NOT) og setja jarðarberjarjómann á milli botnanna á meðan 9. sinfónía Beethovens hljómar í útvarpinu.

Jarðarberjaterta

Botnar:

4 eggjahvítur

1 b sykur

2 b kókosmjöl

1/2 tsk salt

100 brytjað suðusúkkulaði (dökkt gott súkkulaði)

 Á milli:

1/4 l rjómi

1 heildós jarðarber

fersk jarðarber til skrauts

Þeytið eggjahvítur og sykur MJÖG vel. Bætið kókosmjöli súkkulaði og salti saman við með sleikju. Leggið kringlótt form á bökunarpappír og teiknið tvo hringi. Setjið deigið í hringina tvo og bakið við 130° í uþb 30 mín. Kælið. Þeytið rjómann og bætið jarðarberjunum saman við í lokin. Setjið á milli botnanna og látið standa í 7-10 klst. í ísskáp.

nyarsdagur jardarberjaterta

Myndir frá nýársboði fjölskyldunnar

Jardarberjaterta

2 thoughts on “Jarðarberjaterta

  1. Þessi var líka ein af föstu punktunum í tilverunni heima hjá mér. Ekki reyndar á nýársdag en í öllum stærri veislum.

Leave a Reply

Your email address will not be published. Required fields are marked *