Súkkulaði með karamellumöndlum og sjávarsalti

IMG_1273 jol

Súkkulaði með karamellumöndlum og sjávarsalti. Samstarfsfólkið kom með sýnishorn af jólabakstrinum áður en við fórum í jólafríið. Una kom með súkkulaðikaramellumöndlurnar – hreinasti unaður

Súkkulaði með karamellumöndlum og sjávarsalti

1,5 dl sykur

15 g smjör

1 msk rjómi

2,5 dl möndlur, heilar

500 g dökkt gott súkkulaði (50-70%)

Gróft sjávarsalt eða fleur de sel

Setjið sykur í pott ásamt 2 msk. af vatni. Sjóðið þar til sykur verður að seigfljótandi vökva og tekur á sig rafgylltan lit. Takið af hita og hrærið smjöri og rjóma saman við. Setjið aftur yfir hita og eldið þar til fallega brúnt. Hrærið möndlunum saman við, hellið síðan úr pottinum á bretti og dreifið úr hnetunum. Bræðið súkkulaðið yfir vatnsbaði. Blandið síðan 3/4 af hnetunum saman við. Hellið ofan í meðalstórt mót klætt álfilmu og dreifið vel úr. Stráið afgangnum af hnetunum yfir og sáldrið sjávarsalti yfir. Kælið þar til súkkulaðið er orðið hart. Brjótið súkkulaðið í bita og geymið á köldum stað.

 

Leave a Reply

Your email address will not be published. Required fields are marked *