Eplakaka Elínar – mjög góð

eplakaka

Eplakaka Elínar. Svei mér þá, ég held að allar eplakökur sem ég hef smakkað séu góðar. Eins og hinar er þessi líka góð, mjög góð.

Eplakaka Elínar

8 græn epli

250 g smjör, við stofuhita

150 g sykur

2 egg

250 g hveiti

2 tsk lyftiduft

1/2 tsk salt

15 möndlur.

Afhýðið eplin, skerið þau í bita og sjóðið í vatni í 3 mín. Hrærið vel saman smjöri og sykri, bætið við eggjum og loks þurrefnunum. Setjið helminginn af deiginu í eldfast form, jafnið því út, setjið soðnu eplin ofan á og loks restina af deiginu með tveimur skeiðum. Saxið möndlurnar gróft og dreifið þeim yfir. Bakið við 180° í um 30 mín.

Leave a Reply

Your email address will not be published. Required fields are marked *