Biskupaterta

Biskupaterta terta Signý eftirréttur biskupsterta kaka þóra fríða baldur
Biskupaterta

Biskupaterta. Ekki hef ég hugmynd um hvernig nafnið á þessari tertu er tilkomið, en góð er hún. „Alveg óvart“ fór heldur meira af sérrýi en segir í uppskriftinni en tertan varð held ég bara betri við það. Biskupaterta getur verið bæði kaffimeðlæti eða eftirréttur eins og hún var í stórfínu matarboði á dögunum.

Biskupaterta

Botn:

4 eggjahvítur

1/2 b sykur

1 1/2 b möndlur með hýði, saxaðar(ekki of smátt)

1 tsk lyftiduft

smá salt

Stífþeytið eggjahvíturnar með sykrinum. Þegar hvíturnar eru orðnar mjög stífar bætið þá möndlum, lyftidufti og salti saman við og blandið saman við með sleif. Setjið í kringlótt form, bakið við 200° í 20-30 mín. Látið kólna.

Krem:

4 eggjarauður

3 msk sykur

4 matarlímsblöð

3 msk sérrý

1/4 l rjómi.

Stífþeytið rjómann og geymið hann í ísskáp. Þeytið eggjarauður og sykur mjög vel saman. Bræðið matarlímið í vatnsbaði, setjið sérrýið saman við matarlímið á meðan það er að bráðna (má ekki vera of heitt). Bætið þessu saman við rauðurnar og þar á eftir þeytta rjómanum. Látið stífna lítið eitt áður en þetta fer yfir tertubotninn.

Skreytið með rifnu súkkulaði.

Biskupaterta bjarma, Baldur

Biskupaterta

Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.

Fyrri færsla
Næsta færsla