Steiktir hvítlaukssveppir. Þessi spænska tapas-uppskrift er ótrúlega fljótlegur réttur sem fer vel í maga. Ekki fylgir sögunni hvort þessi réttur tilheyrir ákveðnu landssvæði á Spáni – gildir einu. Ef sveppirnir eru litlir þarf ekki að skera þá niður.
Steiktir hvítlaukssveppir
4 msk ólífuolía
250 g sveppir, í sneiðum eða skornir í fernt
salt og svartur pipar
4 hvítlauksrif, söxuð
1/4 tsk chili
1 tsk paprika
2 msk sérrý
1 1/2 msk sítrónusafi
3 msk söxuð steinselja.
Hitið olíuna á pönnu og steikið sveppina í um 2 mín., kryddið með salti og pipar. bætið við hvítlauk, chili og papriku og veltið áfram á pönnunni. Bætið þá við sérríi og sítrónusafa. Látið malla á vægum hita í nokkrar mínútur þangað til mesti vökvinn er gufaður upp. Stráið steinselju yfir og berið fram með eða á ristuðu brauði.
