Marsípankaka með vínberjum

baka vinber marsipan

Marsípankaka með vínberjum. Hildigunnur er af mikilli matar- og tónlistarfjölskyldu komin. Stundum hef ég velt því fyrir mér hvort eitthvað komist annað að þegar fjölskyldan hittist en matur og tónlist 🙂 Hildigunnur birtir sínar uppskriftir hér

Marsípankaka með vínberjum

200 g gott marsípan

75 g brætt smjör

2 egg

75 g hveiti

1/2 tsk. lyftiduft

200 g vínber (steinlaus eða steinhreinsuð)

Skerið marsípan í sneiðar og hrærið svo bræddu smjörinu saman við uns mjúkt. Hrærið eggin saman við og síðan hveiti og lyftiduft. Hellið hrærunni í smurt tertu eða bökuform (22-24 cm). Skerið vínberin í tvennt og dreifið þeim yfir. Bakið kökuna í 18-20 mínútur við 200°C. Gjarnan má strá flórsykri yfir kökuna áður en hún er borin fram.
Kakan er sérlega ljúffeng hvort heldur sem er heit eða köld. Ekki sakar svo að bera fram þeyttan rjóma eða ís með henni.

Leave a Reply

Your email address will not be published. Required fields are marked *