Kókoskúlur

Kokoskulur

Kókoskúlur. Þessar eru dásamlegar, algjörlega ómótstæðilegar – tilvalið kaffimeðlæti. Oftar en ekki eru þessar kúlur á boðstólnum í vinnunni hjá mér og uppskriftin fengin þaðan eins og margar aðrar góðar. Það er einnig mjög gott að velta kúlunum upp úr kókosmjöli áður en þær eru kældar, já eða blanda saman kókosmjöli og sesam.

Kókoskúlur

4 dl döðlur lagðar í bleyti

1 tsk kakó

2 dl kókosmjöl (meira ef döðlurnar eru mjög blautar)

1 tsk vanilla

rifinn börkur af einni appelsínu

1 msk hnetusmjör

smá chili

smá salt

sesamfræ til að velta uppúr

Hellið vatninu af döðlunum, setjið þær í matvinnsluvél eða blandara og maukið. Bætið við kakói, kókosmjöli, vanillu, hnetusjöri og kryddi og maukið áfram. Setjið síðast appelsínubörkinn og hrærið honum saman við með sleif. Mótið kúlur, veltið þeim upp úr sesamfræjum og kælið yfir nótt.

Leave a Reply

Your email address will not be published. Required fields are marked *