Draumur forsetans – Vigdísar forseta

Draumur forsetans - Vigdísar forseta Draumur forsetans, forseti ÍSLANDS Guðrún Rúnarsdóttir, Kjendisenes beste kager Vigdís Finnbogadóttir, forseti, rabarbari, marengs rabbarbari bessastaðir rabarbari
Draumur forsetans – Vigdísar forseta

Draumur forsetans – Vigdísar forseta

Fljótlega upp úr aldamótum kom út í Noregi bókin Kjendisenes beste kaker eftir Guðrúnu Rúnarsdóttur.  Í bókinni er m.a: Draumur forsetans, indæl kaka sem er borin fram volg með ís eða þeyttum rjóma. Frá Vigdísi Finnbogadóttur, fyrrverandi forseta Íslands.

Á meðan ég skrifaði í Gestgjafann nefndi ég oftar en einu sinni við Vigdísi að baka þessa tertu fyrir blaðið, ljúflega og elskulega kom hún sér undan því með því að segja „Elsku besti Albert, ég er löngu hætt að baka”

Vigdís hefur komið áður við sögu á þessu matarbloggi, hún dæmdi með okkur eftirminnilega í smákökusamkeppni á aðventunni og sagði okkur frá Bessastaðakökum.

🇮🇸

BESSASTAÐIRVIGDÍS FINNBOGADÓTTIR MARENGSTERTUREFTIRRÉTTIR17. JÚNÍ

🇮🇸

Draumur forsetans – Vigdísar forseta Bergþór, Vigdís, Albert
Bergþór, Vigdís og Albert

Draumur forsetans

Botn:
250 g hveiti
200 g smjör
1/2 tsk lyftiduft
1 eggjarauða
1 msk vatn
1/3 tsk salt

Fylling:
3 eggjarauður
1 dl sykur
4 dl fínt skorinn rabarbari (skiptið stilkunum langsum fyrst til að bitarnir verði eins litlir og hægt er)
1 msk hveiti

Marengs:
1 1/2 msk sykur
4 eggjahvítur
1 tsk vanilla / vanillusykur.

Blandið saman hveiti, lyftidufti, smjöri og bætið við eggjarauðu, vatni og salti. Hnoðið vel saman og mótið kúlu. Hyljið með plastfilmu og látið deigið í ísskáp í 30-60 mín. Fletjið deigið út og setjið í kringlótt smurt kökuform. Látið deigið koma upp fyrir kantana á forminu því það dregst saman við baksturinn. Bakið við 150°C í u.þ.b. 10 mín.  eða þar til bakan verður ljósbrún.

Á meðan bakan er í ofninum er rabarbarafyllingin undirbúin. Hrærið eggjarauðurnar saman við sykurinn. Blandið rabarbara og hveiti lauslega saman og hrærið saman við eggin og sykurinn rétt áður en botninn er bakaður, það það er mikilvægt að sykurinn bráðni ekki alveg. Dreifið fyllingunni yfir bökubotninn og bakið við 150° í u.þ.b. 20 mín. eða þar til rabarbarinn er orðinn mjúkur.

Þá er marengsinn búinn til. Stífþeytið eggjahvítur, sykur og vanillusykur í marengs, sem svo er smurt eða sprautað ofan á rabarbarafyllinguna. Bakið við 125-150°C í u.þ.b. 20 mín.

-Þegar ég bakaði Draum forsetans í annað skipti skar ég niður 1 dl af marsipani og blandaði saman við rabarbarann (og minnkaði sykurinn um helming) – Draumurinn varð mun betri við það 🙂

(Uppskriftin er hér lítillega breytt)

Kjendisenes
Kjendisenes beste kager
Eyjólfur Eyjólfsson, Albert og Bergþór í Þjóðhátíðardagskaffi
Draumur forsetans, Vigdísar forseta

🇮🇸

BESSASTAÐIRVIGDÍS FINNBOGADÓTTIR MARENGSTERTUREFTIRRÉTTIR —

— DRAUMUR FORSETANS, VIGDÍSAR FORSETA —

🇮🇸

Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.