Grænkálsbaka

Grænkálsbaka grænkál

Grænkálsbaka

Grænmetisuppskerutíminn er í hámarki og fátt betra en splunkunýtt og ferskt grænmeti. Það mælir allt með því að borða meira af grænmeti og minna af dýraafurðum – þetta er mjög einfalt. Munum að við erum ábyrg fyrir eigin heilsufari.

GRÆNKÁLBÖKUR

.

Grænkálsbaka

Grænkálsbaka

Botn:

3 dl (heil)hveiti

1 dl möndlumjöl

1 dl möluð hörfræ

1/2 tsk kanill

1/2 tsk salt

1 dl olía

1/2 – 1 dl vatn

Fylling: 3-400 g soðnar kartölfur

1 dl gróft saxaður blaðlaukur

ca 4 dl af blómkáli í grófum bitum

3 grænkálsblöð, söxuð

2 msk hörfræ

1 msk þurrkað dill

1-2 msk vatn

grænmetiskraftur

2/3 tsk múskat

1 tsk timian

salt, pipar og chili

1 dl góð ólífuolía

Botn: Blandið öllum hráefnunum saman og látið standa í 15-20 mín. Þjappið deiginu í eldfast form þannig að það komi upp með hliðunum. Bakið við 170° í um 10 mín.

Fylling: Setjið blómkál og grænkál í matvinnsluvél og saxið svo það verði ekki of fínt. Maukið kartöflurnar gróft, bætið saxaða grænmetinu saman við, dilli, vatni, grænmetiskrafti, múskati, timían, salti, pipar og chilii. Blandið vel saman og setjið yfir bökudeigið. Bakið áfram í um 30 mín við 170° Hellið olíunni yfir bökuna þegar hún er nýkomin út ofninum.

Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.