Döðluterta með jarðarberjarjóma

Döðluterta, Döðlukaka jarðarberjarjómi, föstudagskaffið, eldhúsperlur björk jónsdóttir söngkona jarðarber rjómi kaka terta kaffimeðlæti mjög góð
Döðluterta með jarðarberjarjóma

Döðluterta með jarðarberjarjóma

Jæja gott fólk, í dag er kjörið að baka döðlutertu með jarðarberjarjóma og bjóða í kaffi. Það er einhver óútskýrð stemning yfir jarðarberjum úr dós. Súpergóð terta sem allir munu elska. Björk kom með þessa dásamlegu góðu tertu í föstudagskaffið í vinnunni fyrir skömmu. #þaðerekkinokkurleiðaðhættaaðborðaþessatertu

🌼

BJÖRK JÓNSDDÖÐLUTERTURFÖSTUDAGSKAFFI — LISTAHÁSKÓLINN

🌼

Döðluterta með jarðarberjarjóma

Döðlubotnar:

4 egg
200 g púðursykur
200 g döðlur
100 g saxað dökkt súkkulaði eða súkkulaðidropar
125 g hveiti
1/3 tsk salt

Aðferð: Ofn hitaður í 180° með blæstri. Tvö hringlaga form smurð vel og bökunarpappír settur í botninn.

Saxið döðlur og súkkulaði smátt og blandið ca 1 tsk af hveitinu saman við. Þeytið egg og púðursykur vel þar til ljóst og létt. Blandið hveiti saman við með sleif og því næst döðlunum, salti og súkkulaðinu. Hellið í tvö form og bakið í 15-20 mínútur.

Á milli:
4 dl rjómi
1 stór dós jarðarber

Leggið annan botninn á kökudisk. Opnið jarðarberjadósina og hellið 4-5 msk af safanum jafnt yfir báða botnana. Hellið jarðarberjunum í sigti og stappið þau gróflega með gaffli. Þeytið rjómann og blandið jarðarberjunum svo saman við. Dreifið jarðarberjarjómanum jafnt yfir annan botninn og leggið hinn botninn yfir.

Ofan á:
150 g dökkt suðusúkkulaði
2 msk smjör
2 msk rjómi
1 msk sýróp
1/2 tsk salt

Bræðið allt saman í potti við vægan hita. Kælið aðeins og hellið svo yfir. Dreifið úr kreminu þannig að það leki aðeins niður hliðarnar á tertunni. Geymið tertuna í ísskáp í a.m.k 2-3 klst áður en hún er borin fram. Leyfið henni svo að standa við stofuhita í ca. 30 mínútur áður en hún er skorin.

Björk kom með þessa dásamlegu góðu tertu í föstudagskaffið fyrir skömmu: “mig minnir að uppskriftin sé af hinni ágætu síðu eldhúsperlur.is

🌼

BJÖRK JÓNSDDÖÐLUTERTURFÖSTUDAGSKAFFI — LISTAHÁSKÓLINN

— DÖÐLUTERTA MEÐ JARÐARBERJARJÓMA —

🌼

Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.